شفيكـ زعلت امزح معكـ..!

السلام عليكم


لاشك ان جميعنا او أغلبنا يحب الضحك والمرح ويحب ان يبتسم
بروح الدعابة مما يضفي جو البهجة والسرور في قلوب وعقول
من يصادقه ...
لكن هل كل ضحك مباح وكل مرح فى محله؟؟
اذا جاك شخص يضحك و يستهزئ على فلان وفلان
ما خلا شي عنه
بس عشان يضحك وثم يسولف ولا علييه من هذا الشخص
ولكن يوم يغتاض الشخص
رد عليييه وقال
افا عليك انا امزح انت زعلت؟؟

هنـــا السؤال؟

مــا هي حدود المزح بين البعض؟

يعني لازم في كل وقت نستخف دمنا؟؟

ما نصيحتك لمن يمزح ليصل لجرح مشاعر غيره بإسلوبه
الساخر الذى يصل لحد عدم اللياقة والبغض ؟؟

ما نصيحتك لمن يتقبل هذة الطريقة فى المزاح ؟؟

و ما رايكم بهؤلاء الأشخاص الذين يمزحون في كل الأوقات
وحتى في المواضيع التي تتطلب الجديه ......؟؟

الذين يجرحون ويشتمون ثم وبكل وقاحة يوجهون لك هذه العبارة
( وشفيك زعلت امزح معك) ..!!
هل يدخل المزاح في الشتم والتجريح ؟!!




هذي المواقف كثير منتشره عندنا وحبيييت اعرف رايكم

اتمني المشاركة وتوضيح وجهات النظر والمناقشه الهادفه

الموضوع الأصلي: هنا | المصدر: منتديات ورود نجد

أممممممممممم
بالنسبــة لي ~
أتوقع أن حدود المزح تختلف من شخص لأخر ~
يعني فية أشخآص أنت تعرف أنهم أبد أبد مآ يزعلون ويحبون اللى يمزح معهم وهم بعد يمزحون معك ويستهبلون عليك ~
يعني الوضع عايدي بينك وبينهم ~
أنا أقول هنا عايدي تمزح وتستهبل ~
أما في أشخآآآآص ثانين ~
من طبعه أنه مآ يحب أحد يمزح معه وهذا شيء عادي طبعه وهو حر فيه يعني يكونون بطبعهم جديين مستحيل أنسى مرة موقف صآر لي موقف بالمتوسط مزحت مع بنت مزح عآدي بس إنهآ زعلت عقبهآ قلت مستحيل أمزح ع أحد لين مآأعرف طبآيعهـ ~
فالمفروض أن الشخص مآ يستهبل عليه ويمزح معه مزح زايد وبصرآحهـ المزح الزآيد مآله دآعي ~
بس اللى يقهر ~
اللى يحب يستهبل على العآلم
وإذا جآء أحد يستهبل علية زعل ~
هذولآ ودي أسطرهم يعني أنتم تتميلحون ومآتبون أحد يستهبل معكم
وبالنسبهـ لآسئلتك :-
مــا هي حدود المزح بين البعض؟
أكيد فيهـ حدود يعني أحط لي خطوط حمرآء مآأتجآوزهآ
مب أجرّح فيه وبعدين أقول أمزح
يعني لازم في كل وقت نستخف دمنا؟؟

ما نصيحتك لمن يمزح ليصل لجرح مشاعر غيره بإسلوبه
الساخر الذى يصل لحد عدم اللياقة والبغض ؟؟
نصيحتي هي إن الإنسآن بأخلآقه بصراحهـ ولآصآر يجرح ويستهتر مهمآ كآنت إيجآبيآته بيكرهونه النآس ~

و ما رايكم بهؤلاء الأشخاص الذين يمزحون في كل الأوقات مآأحب الأشخآص اللي يمزحون بكل وقت مع إني أحب الفرفوشين والونيسين بس موب تسذآ بكل وقت
وحتى في المواضيع التي تتطلب الجديه ......؟؟
لآ عآد وقت الجد جد ووقت المزح مزح


تعودت شآكره موضوعك المميز ~

مشكور تعودت على موضوعك اللي بصراحه منتشر و بكثره
أنا بقولك الحين الناس يشوفون الإنسان اللي ما يمزح فيه نوع من التخلف
و هذي نظره جدا خطأ
لأن الملاحظ الحين أن في كل مجال من مجالات الحياة تلقى ناس تمزح و تستخف دمها
حتى في المجالات الدينيه
و هي تختلف عن بعضها
المزح اللي يكون بطريقه محببه للناس و عدم التجريح فيهم أو في غيرهم هذا محمود
أما البعض يحب يمزح في الأشخاص لأن ما عنده أصلا سالفه أو أسلوب للكلام
فتلقاه جالس مثلا مع أصحابه و ما لقى سالفه قال ما شفتوا فلان .. ثم يبدأ يحش فيه
عشان بس يكسب إعجاب و ضحك الناس اللي حوله
المزح بشكل عام حـلو لكن يكون بعد بشكل عام
يعني تبي تمزح مع إنسان أول مره تشوفه لا تتهور و تسوي نفسك دمي خفيف ثم و الله تاكلها على خشتك و إذا تبي تمزح مع إنسان تعرفه أمزح بالشي اللي هو يحبه و أنت ترضاه
و لا يكون دايم مزحك في الأشخاص لأن هذا ضعف فيك أنت
و أمزح بقدر المستطاع لكن بإخلاص نيه و بعد عن التجريح
مشكور تعودت عـ هيك موضوع
ما ننـــــــحرم من جديدك
دام إبداعك

كرستاله ** خذاني الشوق
الف شكر لكم على تعليقاتكم الرائعه
المزح حلو وانا انسان يمكن تسموني مزوووح<< برآ
وانا جربتها اليومين هذي ونفعتني
اول ما بديت اداوم كنت مزوح والحين لي كم يوم والحمد لله كسبت صداقه نااس عسل
وكل ما مشيت سلم علي هذا والثاني يصبح علي
يعني وناسه بونااسه

مجرد اضافه حبيت اضيفها
واكرر شكري لكم
تحيتي لكم

رآئــع يا تعوودت وموضوع يستحق النجوومـ


بنسبه لـي آحب المزح وضحك بس مو بكل وقت عـ حسب المزآجـ

و ما احب المزح لـدرجه التجريح آو المصحوب ببعض الآلفاض



افا عليك انا امزح انت زعلت؟؟


سمعت بالي يقوول مزحه برزحـه هذي هي بحد ذتها


مرآت تجي صج مزح ومرآت مثل ما قال المثل وهذي على حسب المقاابل

سلمت تعودت ولآ حرمنـآ

بنسبه لي وجهة نظري اقول
المزح له وقت وله حدود يعني في وقت للمزح
وفيه وقت للجد وع حسب اذا تمون ع الشخص
اما اذا مابينكم ميانه صعب تمزح معه
وع حسب نفسية الشخص الي معك
يعني احيانن تكون تسولف مع صاحبك وتضحك
وهو متضايق وطفشان يمكن يفهمك غلط والا يرد عليك
رد يضيق خلقك
وبهذي الطريقه تخسرون بعض او انك تتكاثر منه شي
يعني اول شي للمزح اختيار الوقت المناسب
والشخص الي امز ح معه
ونفسية وظروف الشخص الي انا معه
يعطيك الف عافيه اخوي
تقبل مروري
دمت بصحه

مهره ملوك&غلا امي
شكر الشكر لكم على اضافاتكم وتعليقاتكم
والشي لازاد عن حده انقلب ضدهـ
لكم مني ارق التحايا

بسم الله الرحمن الرحيم

وعليكم السلام ورحمة الله وبركاته

هلا بك .. أخوي تعودت الجرآح

أخبـآرك .!؟

قلت خلني أرد ع مواضيع طفشت وانا بس اتصفح

واخترت أول قسم .. قسم الحوار والنقاش الجاد

لأنه هو القسم المفضل عندي ..

موضوع أكثر من مميز .. تشكر عليه

المزح .. أحيان ماتقبله من اشخاص .. على إنك ياما قبلت منهم مزوووح

وهذا إما .. لأنك ماكنت فايق له .. أو لأنه تجاوز حدوده في مزحه .. أو لأي سبب آخر

أما إن شخص يسولف مع أصدقائه ويقول فلان قال .. وحصل لـ فلان كذا وكذا

هذا ماأعتبرهـ فكاهي ولا خفيف دم .. هذا يغتاب زميله أو صديقه .. أو أي كان

أكيد إن زميله مايحب إن أحد يضحك عليه سواء بغيابه أو بوجودهـ


مــا هي حدود المزح بين البعض؟

إنك ماتستهين بالشخص اللي تمزح معه .. وخاصه قدام ناس أغراب
ماتحاول تهين كرامة أحد تمزح معه
ماتذكره بموقف يتعبه نفسياً

قبل لاتمزح .. قيسها إنه لو الموقف هذا حصل لك انت .. هل ترضى إنه يصير .!؟

يعني لازم في كل وقت نستخف دمنا؟؟

اللي مو خفيف دم من الله سبحانه .. لايستخف دمه
لأن خفة الدم فطرهـ وهبها الله لناس .. تحصل واحد يستخف دمه .. تطلع عليه بلاهه
فتحصل اللي حوله يضحكون عليه مو منه .. يعني لاتستخف دمك .. إذا كان مو خفيف
وبعدين مافيه أزين من الرزانه .

ما نصيحتك لمن يمزح ليصل لجرح مشاعر غيره بإسلوبه


شوف السؤال .. الشخص قبل لايمزح عنده هدف
وش الهدف .!؟
الهدف إنه يوصل لجرح مشاعر غيره
معناته ماهو مزح أبداً .. قالتها أختي الغاليه مهرهـ .. مزحه برزحه
هذا بإختصار لابس قناع .. ماهو كفو إنه يطلع اللي في قلبه بشكل مباشر أو إنه يبعد عن الشر ويغني له
لازم يجي من تحت لـ تحت .. وهذا غباء .. وضعف شخصيه
ولاهي من أخلاق المسلم ولا من قيمه
ونصيحتي له .. شي ماترضاهـ لنفسك لاترضاه لـ غيرك .. وكلنا مانحب أحد يجرحنا


الساخر الذى يصل لحد عدم اللياقة والبغض ؟؟

هذا مشكلته ماتربى على القيم والعادات الصحيحه .. فـ مشكلته من الجذور .. يعني لامبالي

ما نصيحتك لمن يتقبل هذة الطريقة فى المزاح ؟؟

نصيحتي للي يتقبل المزح المسيء للشخص ..
أعز ماعلى الشخص كرامته .. فلا يجي يوم ويفقد كرامته بسبب مزحه بوجهة نظره
لأن كثيرين يطيحون من عيننا لأن فلان قال له كلمه قويه وو ضحك له مارد عليه
يقول إنه يمزح معه . . طيب هذي ماهي مزحه هذي فيها كرامه
وبعضها تمس الشرف وتحصله يقول لك يمووون أبو فلان .. ويضحك
ياأخي إلى متى ..!!؟ والله عيب
الإنسان مثل مايعرف وش يقول قبل يقول .. لازم يعرف متى يضحك قبل يضحك
ويعرف هـ الشي يقبله هو كرجل مسلم أو لا

و ما رايكم بهؤلاء الأشخاص الذين يمزحون في كل الأوقات وحتى في المواضيع التي تتطلب الجديه ......؟؟

للي يمزح في كل وقت .. هذا إما مراهق .. أو إنه لامبالي
لأنه ماهو حاسب حساب شي .. ويمشي على مبدأ .. (( التوالي لها والي ))



الذين يجرحون ويشتمون ثم وبكل وقاحة يوجهون لك هذه العبارة
( وشفيك زعلت امزح معك) ..!!
هل يدخل المزاح في الشتم والتجريح ؟!!

شتان مابين هذهـ وتلك في المعنى
ولكن ..!!
تأتي مترابطه في نفس الوقت
إّذا كان مزحك بأدب وإحترام .. ماراح يكون في الموقف شتم وتجريح

.. لكن لو كانت المزحه بايخه
اللي قال الكلمه بدل مايمزح .. صار شاتم لزميله .. وزميله إنجرح من هذا الكلام
وفي هذا الموقف تكون الكلمات مترابطه أحداثها .

آخراً

ماكل من يضحك مع الناس محبوب = النصر في بعض المواقف غليبه

أخيراً

اللهم صلي وسلم على محمد


الشكر وكل الشكر لك أخي .. تعودت الجرآح
موضوع أكثر من رائع
تقبل مشاركتي البسيطه

هلا بك اخوي المقام السامي
انا بخير نسال عنك
مرور اكثر من رائع
ويعيط الف عافيه على توضيحك
لاعدمنااك يالغلا
لك ودي